احصل على فيزا لأوروبا بسهولة, فيزا شنغن 2021

هاد المقال غادي نحط فيه أي حاجة كتعلق بالڤيزا شنغن من الألف تال الياء،أ فهاد المقالة غادي نعرف بالفيزا شنغن و الدول لي داخلة فهاد الإتفاقية،زيد عليهم الأنواع ديال لفيزات شنغن لي كاينين.

???? أشنا هي إتفاقية Schengen ؟؟

هي مجموعة ديال الدول الأوروبية لي دارت واحد الإتفاقية بيناتها باش المواطنين ديالها ما يحتاجوش ڤيزا ولا باصبور باش يسافروا لوحدا من هاد البلدان.أ هي أكبر منطقة فالعالم لي تقدر تسافر ليها بحرية إلا كنتي كتنتمي لوحدا من هاد البلدان ولا عندك فيزا شنغن لإقامة قصيرة.
المجموع ديال الدول هو 26 دولة :

???? 22 دولة داخلة للإتحاد الأوروبي :إسبانيا. إستونيا. البرتغال. الدنمارك. ألمانيا. المجر. النمسا. السويد. اليونان. إيطاليا. بلجيكا. بولندا. جمهورية التشيك. سلوفاكيا. سلوفينيا. فرنسا. فنلندا. لاتفيا. لوكسمبورغ. ليتوانيا. مالطا. هولندا
????4 دول مادخلاش للإتحاد : النرويج . سويسرا . لينشتشتاين . آيسلندا.

???? 4 دول أوروبية لي مدخلاش فإتفاقية شنغن ولي يمكن ليك دخل ليها بفيزا شنغن أ بلا مشاكيل : سان مارينو . ڤاتيكان . موناكو . أندورا.

????أشناهي ڤيزا شنغن؟؟

هي واحد الوثيقة لي كتسلم من عند القنصلية ولا السفارة، ولكن كدوز عن طريق مركز طلب التأشيرة،Tlscontact,Bls contactVfsglibal…باش كتمكن الحامل ديالها يدخل لوحدا و لا بزاف ديال الدول 26 لي دكرنا فالأعلا،لمدة أقصاها 90 فمدة ديال 180 يوم،إما لغرض سياحي ، مهني، تعليمي…

 

???? أشناهوما أنواع ڤيزا شنغن ؟؟

كاين بزاف ديال أنواع ڤيزا ،لي كتختلف علا حساب طبيعة ولا مدة الإقامة ديالك :

✔️Visa Type A/VTA (Visa Transit Aéroportuaire) :

هاد النوع ديال لفيزا كتسمح لحامل ديالها ، من غير مواطنين دول شنغن 26 لي سبق لينا دكرنا،باش يدوز و يتسنا correspondance فالمنطقة الدولية ديال المطار،أ كيديروها الناس لي عندهم escale فشي دولة من دول شنغن ولكن فنفس المطار،،ردوا البال راه كاينين des Escales,لي كتبدلوا المطار،هنا غادي يخصك Visa type C,حيت Visa type A معندكش الحق تخرج من المطار.

✔️Visa Type C/Visa court séjour :

هادي هي لي كيسول عليها أغلبية الناس،أ هي لي كتسمح ليك دور أ تسركل بكل حرية فمنطقة شنغن لمدة أ قل من 90 يوم فكل 180 يوم،وخا تكون عندك لڤيزا فيها تا 5 سنين،أ هنا ردوا البال حيت فيها بزاف ديال الأنواع :

????Visa entrée unique :

هاد النوع كيسمح ليك تدخل مرة وحدا لدول منطقة شنغن،إ ملي كتخرج مكيبقاش عندك الحق دخل مرة أخرى بهاد لڤيزا،حيت سالات الصلاحية دايالها وخا تكون مزال فيها الوقت،مثلا خديتي فيزا فرنسية من 30/04/2019 تال 29/07/2019،و نتا دخلتي تال15/05/2019 أ خرجتي 23/06/20،إذن راه معندكش لحق ترجع وخا لفيزا مازال فيها شهر أ صرف.

????Visa double entrée :

هادي عندك الحق دخل 2 مرات،نلي تسااليهم صافي تسالا ت الصلاحية ديال لفيزا ديالك وخا يكون مزال فيها الوقت،متلا خديتي فيزا من 30/04/2019 تال 29/10/2019،دخلتي من 10/05/2019 تال 12/06/2019،أ رجعتي من 22/06/2019 تال 11/07/2019،راه مابقاش عندك لحق دخل لشي دولة من دول شنغن وخا لڤيزا مزال فيها كتر من 3 شهر.

????Visa entrée multiple :

هادي هي لي خاصكم تديروا فاش تكونوا كتعمروا فالإستمارة ديال لڤيزا،حيت عندك الحق دخل و تخرج قدما بغيتي لدول شنغن،بشرط تحترم القاعدة ديال 90 يوم كل 180 يوم أ بطبيعة الحال مايكونش تاريخ الصلاحية ديال لڤيزا تسالا،و لكن باش تاخدو هاد النوع راه ماشي غير cocher فالإستمارة visa entrée multiple راه غادي يقبلوها،كاينين شروط لي خصها تحقق مزال غندير عليها بوسط بوحدها.

✔️Visa Type D/Visa Long Séjour :

هادي كتكون خاصة بالناس لي باغا تكمل قرايتها ولا باغا تخدم أ تستقر فوحدا من بلدان شنغن لمدة كتر من 90 يوم،إلا كانت عندك هاد لفيزا مكتحتاجش طلب التصريح بالإقامة.

✔️Visa LTV (Limited Territorial Validity ) :

هاد النوع ديال لڤيزا كيمكن مولاه يمشي فقط للدولة لي عطاتوا لڤيزا،مثلا خداها من عندالبرتغال راه معندوش الحق يدخل لشي دواة من دول ل 25 لي بقات،إلا في بعض الحالات كيقدروا يسمحوا ليك تدخل لدول لي درتي فطلب لفيزا إلا قبلوهم ليك،و إلا راه معندكش الحق بثاثا تدخل و لا دير transit فدولة من دول شنغن لي ممدكوراش عندك فالفيزا.

أ هاد النوع ديال لڤيزا كيتستعمل :

????أسباب إنسانية
???? حالة الطواريء.

 

باش تاخد فيزا شنغن ضروري خصك تخلص واحد البركةعلا الرسوم ولي ميمكنش ليك تردهم فحالة إلا بغيتي تلغي الطلب ديالك،ولا إلا متقبلش.

التكاليف لي كتخلص كتختلف علا حسب نوع الڤيزا لي نتا طالب،لعمر ديالك،أ بعض المرات تا الدولة ديالك،أنا هنا غادي نهدر علا المغاربة و المغربيات.

قبل كنتي كدفع الدوسي أ كتخلص عند السفارة ولا القنصلية لي نتا دفعتي ليها،أ كتسنا يجوبوك بالقبول و لا الرفض،دبا وليتي كدوز بطريقة غير مباشرة عبر مكاتب خدمات بحالVG TLSContact,BLSContact,VFSGlobal,لي كتڤيرسي ليهم ثمن الدوسي تقريبا 23 أورو(263 درهم)،أوخا مكيتقبلش دوسي راه مكيرجعوش ليك ثمن ديالو،فحالة إلا تقبل كيعطيوك Rendez-Vous،أ كتسنا نوبتك باش تخلص الأثمنة التالية لي داخلة فيهم حتا تكالف الدوسي ديال مكتبة الخدمة :

????Visa Type A/VTA : 80€ (860 درهم)

????Visa Type C : 80€ (860 درهم)

????Visa type D : 80€ (860 درهم)

????الأطفال بين 6 و 12 سنة : 40€ (430 درهم)

????الأطفال الأقل من 6 سنة : 0€ (0 درهم)

????الباحثون و العلماء من أجل غرض أو بحث علمي : 0€ (0 درهم)

????التلاميذ ، الطلبة ، الدكاترة ، الأساتذة ، لأجل تكوين أكاديمي، برنامج التبادل المدرسي، أو كجزء من رحلة مدرسية أو لمتابعة تدريب المعلمين : 0€ (0 درهم)

????ممثلي المنظماتالغير ربحية،المشاركون في مناظرات،ندوات،مؤتمرات،فعاليات رياضية أو تعليمية : 0€ (0 درهم)

????المغاربة الراغبون في السفر لأغراض مهنية (عامل موسمي وفقًا لعملية OFII) : 0€ (0 درهم)

????حامل جواز سفر دبلوماسي أو جواز سفر خدمة : 0€ (0 درهم) : 0€ (0 درهم)

????قدماء المحاربين المستفدون من رعاية طبية مجانية : 0€ (0 درهم)